Kemi pak ditë që kemi hyrë në merkato dhe të gjitha skuadrat kanë planet e tyre për t’u përforcuar në sezonin e ardhshëm. Shpesh kemi parë që dy ose me shumë ekipe të jenë në garë në njëra-tjetrën se kush do e marrë një lojtar të caktuar. E njëjta situatë po ndodh edhe midis Arsenal-it dhe Liverpool-it.
Prestigjozja “Mirror” raporton se dy gjigantët janë në “duel” për talentin e skuadrës portugeze, Gelson Martins. Interesante në këtë mes është se ekipet edhe pse nuk e kanë aspak problem që marrin një lojtar me miliona euro, ndërsa në këtë rast bëhet fjalë për ta marrë lojtarin me parametra zero.
Kjo është një “luftë e ftohtë” për të dyja ekipet, ndërsa duhet të presim se cila do të jetë skuadra që do e ketë në shërbimet e veta për sezonin e tjetra, apo do të vërtetohet shprehja se kur “zihen” dy, përfiton një i tretë.
