Paraqitja fenomenale e yllit portugez Cristiano Ronaldo mbrëmjen e djeshme me tripletën e shënuar kundër Spanjës ka shkaktuar reagime të shumta kudo në botë.
Por komenti më i pabesueshëm dhe pikant duket se ka ardhur nga Britania e Madhe ku gazeta e famshme “the Guardian” është shprehur se “Kur Ronaldo të vdesë ai duhet te dhurojë trurin e tij muzeut të FIFA-as, pasi fuqia e tij mendore është komplet përtej kuptimit”.
Komentatorët e faqes angleze e kanë shprehur kështu magjinë e tyre për golat e CR7 ndaj Spanjës që i dhanë një pikë shumë të rëndësishme Portugalisë së tij në grupin B.