Mediat spanjolle shkruajnë se mbrojtësi i Chelsea, Cesar Azpilicueta, dëshiron të rikthehet në La Liga. Për 28-vjeçarin ka shprehur interes skuadra e Athletic Bilbaos, e cila është e gatshme të ofrojë deri në 20 milionë euro për mbrojtësin e djathtë.
Prej 6 sezonesh Azpilicueta luan për blutë, të cilët e blenë te Marseille, ndërkohë që vitet e fundit ai ka qenë një titullar i padiskutueshëm në formacionin e bluve.
Ende nuk dihet se cili do të jetë vendimi i klubit për të ardhmen e tij, ndërsa sipas të njëjtave burimeve, Chelsea do ta linte Azpilicuetan të largohej nëse ata i sigurojnë shërbimet e Joao Mirandës nga Interi.