E përditshmja prestigjoze spanjolle, “Mundo Deportivo”, i ka kushtuar një artikull të gjithë ekipeve që nuk do të marrin pjesë këtë vit në kompeticionet europiane, edhe pse e kanë fituar këtë të drejtë në kampionatet e tyre respektive.
Mes 8 ekipeve që nxjerr gazeta spanjolle, është edhe Skënderbeu, e cila shënohet se është përjashtuar për trukime, edhe pse CAS-i nuk ka dhënë ende vendimin për këtë rast. Ashtu si Skënderbeu, është dënuar edhe klubi Shirak në Armeni, ndërsa klube të tjera janë përjashtuar për mosmarrjen e licencës për ndeshjet europiane.
