Borussia Dortmund do të rivalizojë Juventus për firmën e Alvaro Morata-s. Ekipi gjerman është në kërkim të një sulmuesi teksa Chelsea nuk kërkon të shesë kolegun e spanjollit Michy Batshuayi, sipas Mirror.
Batshuayi, 24 vjeç, është huazuar në Westfalenstadion që prej janarit duke shënuar nëntë gola në 13 ndeshje përpara se një dëmtim t’i mbyllte sezonin para kohe. Lojtari i përfaqësueses belge do të kishte shumë dëshirë të qëndronte në Gjermani, gjithsesi Blutë do të tundoheshin të shisnin Morata-n pas një sezoni të vështirë në Londër.
Drejtuesit e Chelsea-t duan që Batshuayi të qëndrojë te klubi të paktën deri sa të vijë trajneri i ri. Më pas do të vendoset nëse ai do të qëndrojë apo do të largohet.
Chelsea është më i hapur për shitjen e Morata-s një vit pas blerjes 75 mln euro nga Real Madrid.
