Mjafton të futeni në njërin prej rrjeteve sociale që keni një profil dhe do të shihni foto në plazh në pishina pafund të miqve dhe personazheve të botës së televizionit. Sidomos vajzave me bikini që tregojnë format seksi në këtë të nxehtë.
Rrjetet sociale ‘përmbyten’ sidomos “Instagram” gjatë fundjavës dhe festave nga videot dhe fotot e personazheve të famshme, jo vetëm, ndërsa relaksohen në ditët e tyre të pushimit. Sidoqoftë ajo çfarë bie në sy është një numër i madh përdoruesish të cilët janë tejet aktivë me postime. Njëra prej tyre është edhe këngëtarja spanjolle Edurne, e cila së fundmi ka ndarë me miqtë dhe fansat një foto tejet të bukur ndërsa ndodhej në pishinë.
32-vjeçarja dukej në top-formë nga ana fizike veshur me një bikini me ngjyra verore që i rrinin mjaft bukur.
“E lumtur, kohë vere”- ka shkruar ajo karshi fotos.
Në më pak se një orë ajo ka marrë afërsisht 43 mijë pëlqime, ndërsa ka arritur deri në 92 mijë tashmë. Edurne njihet ndryshe edhe si partnerja simpatike e portierit të Manchester United dhe Spanjës, David de Gea. Ky i fundit ndodhet në turneun “Rusi 2018” me përfaqësuesen e tij dhe do të luajë sot takimin e fundit në Grupin B ndaj Marokut.
