Transferimi i Nebil Fekir nga Lyoni te anglezët e Liverpool u konsiderua si një çështje pothuajse e mbyllur aq sa u përfol se lojtari kishte kaluar dhe vizitat mjekësore te “the reds”. Por çdo gjë u përmbys në minutat e fundit përpara zyrtarizimit pasi ekipi francez u tërhoq nga negociatat duke vendosur për të mos shitur yllin dhe kapitenin e tyre.
Por mesa duket situata nuk paska qenë dhe kaq e thjeshtë. Në një prononcim të fundit të presidentit të Lyonit Jean-Michel Aulas, ai mësohet të ketë ironizuar ekipin e drejtuar nga Jurgen Klopp duke thënë se “fakti që ata kanë fituar disa trofe diku rreth viteve ’70 s’do të thotë se mund tu imponohen në këtë mënyrë klubeve si i yni” duke shtuar se Fekir do të përfundonte në stolin e rezervave nëse do të vendoste të tradhtonte ekipin në këtë mënyrë.
Fekir është kapiten i ekipit francez dhe një ndër pikat e referimit për ta dhe tifozerinë.
