Futboll Premier League Sport

Djali i legjendës së United nënshkruan në ”Old Trafford”

Harvey Neville ka ndjekur hapat e babait të tij Phil, ndërsa ka nënshkruar kontratën e tij të parë me Manchester United. Ishte një festim i dyfishtë për të riun, pasi për ditëlindje realizoi ëndrrën të veshë fanellën e “Djajve të kuq”. Babai i tij ka regjistruar 386 paraqitje në “Old Trafford” për 15 vite pjesë e United. Natyrisht nuk mund të këshillonte djalin e tij drejt një klubi tjetër, përveçse aty ku ai ka kaluar pjesën më të madhe të jetës së tij si lojtar profesionist.

Bashkangjitur me foton e djalit ai ka shkruar në “Instagram”: ‘Jam krenar për ty Harvey Neville. Ndiq ëndrrat e tua’. Gjithashtu edhe 16-vjeçari ka postuar në profilin e tij në po të njëjtin rrjet social një foto ku firmos kontratën me klubin e ri, karshi së cilës ka shkruar: Ndihem krenar dhe i emocionuar që firmosa me ekipin që kam përkrahur gjatë gjithë jetës sime”.

Edhe xhaxhai i tij, Gary Neville, ish-mbrojtësi i United e ka uruar të riun për nënshkrimin me klubin e zemrës së tij.

Harvey ka luajtur me Valencian në Spanjë, gjatë kohës kur Phil ishte trajner atje. Ai mund të luajë si mesfushor dhe sulmues gjithashtu. Vlerësohet si një ekzekutues mjaft i mirë për goditjet standarde, goditje këndi dhe dënimi. Kjo nuk është hera e parë që Harvey është pjesë e United, pasi ka luajtur me të rinjtë e akademisë, para se të kalonte te Manchester City, me të cilin ka fituar edhe Turin ndërkombëtare të Premier League.

Related posts

Sot prova e parë, Mancini injekton skemën e tij tek Italia

Sadik.Autor

“KAM RUAJTUR LOPËT PARA SE TË BËHESHA FUTBOLLIST”/ Rrëfimi i yllit të Kosovës që shkroi historinë me Lokomotivën e Zagrebit

Delo.autor

E PAPRITUR TEK KUKËSI/ Mesfushori Ymeri merr vendimin, ndërpret kontratën me verilindorët. Ja postimi…

Delo.autor

Leave a Comment