West Ham dhe Argjentina janë tronditur me lajmin se Manuel Lanzini do të qëndrojë larg fushave për të gjithë sezonin e ardhshëmpas dëmtimit në gju.
Mesfushori 25-vjeçar mendohet të jetë tepër i zhgënjyer për faktin se do të mungojë për 15 muaj të tërë.
Lanzini pësoi dëmtim fatkeq në një seancë stërvitore me Argjentinën një javë përpara Kupës së Botës.
Në fillim iu tha se do të ishte gati gjatë muajve të parë të sezonit të ri pasi ka tërhequr ligamentin e gjurit.
Por siç raporton anglezja Mirror, klubit i është thënë se dëmtimi është më serioz nga se ç’ishte parashikuar.
Lanzini është kthyer në një lojtar kyç për West Ham dhe paraqitjet e tij kishin provokuar interes nga klubet e mëdha.
