Edhe në Sllovaki, ka plasur një skandal i madh në lidhje me kampionatin e fituar për herë të parë pas 45 vitesh nga Spartak Trnava. Klubi sllovak po përballet me një çështje korrupsioni, ku flitet se kampionët e rinj kanë trukuar rezultate, për të arritur tek titulli.
Portali “sport.sk”, bën një parashikim, duke marrë shembull rastin e Skënderbeut, që u dënua nga UEFA edhe në bazë të dyshimeve, me 10 vite përjashtim nga kompeticionet europiane. Nëse edhe në Sllovaki konfirmohet fakti se Spartak Trnava mund të ketë trukuar ndeshje, një dënim shembullor mund të vijë nga organet e UEFA-s.
