Pas deklaratave të Thomas Strakoshës në intervistën për Rtsh Sport, ku thoshte se para se të shkonte tek Lacio, e kërkonin edhe rivalët e përjetshëm të Romës, ka pasur reagime nga tifozët edhe në rrjetet sociale. Një faqe tifozësh verdhekuq në Instagram, ka postuar një foto të Strakoshës, të shoqëruar me disa nga fjalët e Strakoshës.
“Mund të shkoja tek Roma, por falë Zotit zgjodha Lacion. Tare më ka ndihmuar në pikëpamjen psikologjike.” – ishin fjalët e Strakoshës. Ndërkohë, tifozët me ironi shkruajnë: Edhe ne falenderojmë Zotin që ti zgjodhe Lacion.
Por, në seksionin e komenteve, nuk ka munguar një përgjigje e shkurtër e Strakoshës: 26 maj (dhe shoqrën me një ikonë të Kupës së fituar). Datë në të cilën Lacio dhe Roma luajtën finalen e Kupës së Italisë, dhe ku fitues doli ekipi i Strakoshës, me rezultatin 1-0.
