“Ylli” i Monacos Radamel Falcao lë në mëdyshje ekipin e Milanit me përgjigjen e tij të fundit.Sulmuesi kolumbian ka shprehur konsideratë për interesimin e ekipit kuqezi karshi tij, por kërkon të respektojë marrëveshjen me ekipin e principatës së Monakos.”
Kam lexuar dhe dëgjuar për interesimin e Milanit dhe është një nder që një klub i tillë më ndjek vazhdimisht. E ndjek futbollin italian dhe e di që Milani është ekipi i dytë më i mirë në botë për titujt e fituar të Ligës së Kampioneve, por në këtë moment jam në kontratë me Monacon dhe jam i përqëndruar vetëm te klubi dhe Kolumbia.
Duke thënë këtë, e pëlqej Italinë dhe futbollin italian”, deklaron “El tigre” për rrjetin mediatik italian “Mediaset Premium”.
32-vjeçari është një nga prioritete e sezonit të ri të “Djallit”. Pavarësisht moshës, Falcao i është rikthyer zakonit të vjetër “të gjuetisë së golave” duke shënuar brenda 2 viteve të fundit 54 gola në 79 takime.