Stoke City ka marrë sulmuesin Benik Afobe nga Wolves, vetëm katër ditë pasi skuadra e sapo ngjitur në Premier League e bleu nga Bournemouth, ekipi me të cilin ai u aktivizua në sezonin e kaluar.
Afobe luajti i huazuar në pjesën e dytë të kampionatit të kaluar me Wolves dhe shënoi gjashtë gola në 16 ndeshje, duke i ndihmuar të ngjiten në Premier League. Katër ditë më parë, ai u ble përfundimisht, pasi u paguan 12 milionë euro te Bournemouth, në bazë të marrëveshjes paraprakte.
Gjithsesi, sot, sulmuesi nga Republika Demokratike e Kongos, kaloi zyrtarisht te Stoke për 15 milionë euro. Pra, Wolves fitoi tre milionë euro për katër ditët që pati pronësinë e kartonit të
Afobe, i cili dikur ka qenë pjesë e Arsenal.
