Xhorxhino Uinaldum është duke u ndjekur me kujdes nga Interi, i cili po përgatitet për një goditje me parametra zero duke parë se mesfushori i Liverpulit i skadon kontrata verën e ardhshme.
Drejtuesit zikaltër presin ti bëjnë një dhuratë teknikut të tyre Antonio Kontes që e pëlqen shumë mesfushorin me tipare mbrojtëse dhe do të ishte një përforcim ʺBigʺ për Interin.
Gjithsesi skuadra nga Milano nuk do ta ketë të lehtë pasi për mesfushorin 30-vjeçar holandez duhet të mundin konkurrencën e Real Madrid dhe Barcelonës ku jo pak herë kanë shprehur interes për të.
Uinaldum luan sezonin e tij të pestë me Liverpulin ku ka arritur të fitojë Premier Ligën dhe Champions-in.
