Lancinet Sidibe ka bërë një sezon të shkëlqyer te Flamurtari, duke u bërë një nga lojtarët më të rëndësishëm te vlonjatët dhe ndër më të përfolurit në Superiore. Ndërkohë që jemi në ditët e merkatos, mesfushori afrikan ka zbuluar se për të ka ofrerta, por ky i fundit dëshiron të qëndojë në Vlorë.
Nuk dihet se cila do jetë përgjigja e drejtuesve të Flamurtarit, duke ditur se do bëhen ndryshime të mëdha pas dështimit në sezonin që lamë pas. Sidibe e dërgoi sinjalin, tani është klubi që vendos dhe duhet të mos harrojë që “pas derës” ka shumë skuadra të tjera nga Superiorja që mund t’i ofrojnë një kontratë afrikanit duke mos e lënë të largohet jashtë Shqipërisë, pasi cilësitë nuk i mungojnë, sikurse dhe eksperienca.
