Gareth Bale shihet gjithmonë e më larg Real Madridit. Pas dopietës që shënoi në finalen e Champions League kundër Liverpool, duke i dhuruar trofeun e 13-të Reali në atë fitore 3-1.
Tashmë Bale duket se nuk është aspak i kënaqur të qendrojë në Madrid dhe Manchester united kërkon ta sjellë uellsianin në “Old Trafford”. “Djajtë e Kuq” kanë gati një ofertë të “çmendur” dhe janë gati të paguajnë 515 mijë euro në javë, zbulon e përditshmja britanike “Times”.
Ende nuk ka një ofertë zyrtare nga Anglia, por kujtojmë që Mourinho këtë sezon doli me zero trofe dhe kërkon që vitin tjetër të pasurojë galerinë e trofeve të United.