Futbollisti i Flamurtarit, Muarem Muarem është prezantuar te ekipi i Shkupit në Maqedoni. Lojtari është larguar papritur nga Vlora, teksa për të nuk ka patur asnjë lajmërim.
Ka qenë vetë klubi i Shkupit që ka bërë të ditur lajmin, ndërsa Muarem ka zgjedhur dhe fanelën.
“Sigurisht se ndjehem i lumtur që pas 11 viteve kthehem në klubin e dashurisë, Shkupin dhe lagjen time Çairin nga edhe e fillova jetën e një futbollisti profesionist. Shpresoj të adaptohem shumë shpejt me ekipin dhe të jap ndihmën time në realizimin e projekteve të kryesisë, ndërsa tani me pjesëmarrjen në Ligën e Evropës, klubi do ketë mundësi që përsëri të kthejë famën e dikurshme”, është shprehur Muarem.