Fantazisti brazilian i Benficës, Anderson Talisca ka zgjedhur Kinën për të vijuar karrierën e tij. 24-vjeçari refuzoi interesin e skuadrave si Roma, Manchester United e Sevilla, për t’iu bashkuar Guangzhou Evergrande, që drejtohet nga italiani Fabio Canavaro.
Talisca luajti në dy sezonet e fundit në kampionatin turk me Besiktasin, që pati të drejtën e blerjes për 21 milionë euro, por që nuk preferoi ta ushtronte.
Transferimi te skuadra kineze është bërë me formulën e huazimit 6-mujor, me të drejtë blerjeje për shumën e 24 milionë eurove.