Eliminatoret e Botërorit kanë shkaktuar një kaos të vërtetë në aspektin organizativ për klubet pasi shumë prej tyre nuk dëshironin që lojtarët të udhëtonin drejt kombëtareve pasi rreziku i karantinës i detyron të humbasin formën në këtë fillim sezoni.
Madje kualifikueset e Botërorit në Amerikën e Jugut shtyn dhe dy ndeshje në La Liga-n spanjollë atë të Sevilja-Barcelona dhe Vijareal-Alavesh pasi sasia e lojtarëve prezent me kombëtaret e këtyre ekipeve ishte e madhe dhe do të ishte e pamundur për trajnerët të zbrisnin ë fushë.
La Liga kërkoi të shtyheshin këto ndeshje duke marrë aprovimin e Këshillit Superior të Sportit në Spanjë, por federata spanjolle ka dalë kundër duke u ankuar te UEFA dhe FIFA me qëllim që ndeshjet të luhen pasi kjo shtyrje do të sillte ngjeshje të kalendarit të mëveonshëm dhe do të ishte e pamundur të luheshin në kohë.
Por nuk mbaron këtu, pasi Brazili ka bërë një kërkesë ndaj FIFA-s që të ndalojë Liverpulin, Mançester Junajtid, Mançester Sitin, Lidsin dhe Çelsin të përdorin në lojë lojtarët brazilian për katër ditë nga datat 10 deri në 14 shtator, me arsyen se klubet nuk i lanë të grumbulloheshin lojtarët e tyre me kombëtaret.
Kjo kërkesë është pranuar nga FIFA duke bërë që Mançester Junajtid do të humbte Fred për sfidën e parë të Ligës së Kampionëve ashtu si dhe Çelsi Tiago Silvën, Siti do të humbiste Ederson dhe Gabriel Zhesus, Liverpuli, Alisonin, Firminjon dhe Fabinjon, ndërsa Lidsi Rafinjan. Një kaos i vërtetë eliminatorët e Botërorit që kanë shkaktuar përplasje midis federatave dhe klubeve të lojtarëve.
