Të jesh një futbollist që përfaqëson kombëtaren e shtetit tënd në një prej kompeticioneve më të madhe në glob, si Kupa e Botës është një privilegj mjaft i madh për shumë lojtarë. Por të festosh ditëlindjen në prag të këtij kompeticioni është një tjetër emocion.
“Fati” do i buzëqesh shumë lojtarëve, por i fundit është ylli i kombëtares braziliane Philippe Coutinho. Mesfushori sulmues i Barcelonës festoi ditëlindjen e tij të 26-të, një ngjarje që nuk i ka shpëtuar vëmendjes së shokëve të tij.
Ata u filmuan në bazën e trajnimit të Kupës së Botës në Soçi, duke “sulmuar” Coutinho me vezë dhe miell para se ta lagnin me ujë.
Një ngjarje që tregon dhe njëherë se pavarësisht yjeve që ka në ekip dhe rivalitetit në fronte të ndryshme, në grupin e grumbulluar nga Tite mbizotëron një dozë humori e admirueshme.