Vetëm dy ditë na ndajnë nga ceremonia hapëse e Kupës së Botës Rusi 2018. Rusia është gati tashmë dhe 31 përfaqësueset pjesëmarrëse në këtë edicion të 21-të të kompeticionit kanë shkelur në tokën ruse.
Në fazën e grupeve ndeshjet do të jenë më të shumta dhe për këtë arsye do të luhen në disa orare, 14:00; 17:00 dhe 20:00 madje në disa ditë edhe në orën 12:00.
Ndërsa në fazën 1/16 dhe çerekfinale ndeshjet do të luhen në orën 16:00 dhe 20:00. Gjysmëfinalet do të luhen në 20:00, por surprizues është orari për finalen e madhe e cila do të luhet në një orar të pazakontë për Europën.
Do të jetë pikërisht ora 17:00 kur do të luhet finalja që do të kurorëzojë kampionët e rinj të botës.
Një orar që është menduar nga organizatorët si i përshtatshëm për t’u ndjekur nga çdo cep i botës.
