FIFA ka vendosur që pas Botërorit të ndryshojë dhe mënyrën e llogaritjes së pikëve në renditjen botërore të kombëtareve. Nëse në sistemin e vjetër të nevojiteshin pak fitore për të ngjitur disa shkallë, sistemi i ri nuk do jetë kështu. Tani e tutje do ekzistojë një koeficient fiks për të gjitha ndeshjet: 0.5 për miqësoret jashtë kalendari, 1 për ato në kalendarin FIFA.
Më pas, Liga e Kombeve dhe turnetë kontinentale do kenë nga 1.5 deri në 4. Në fund, 5 dhe 6 si koeficient për Kupën e Botës (5 për kualifikueset dhe turneun final deri në 1/8-at, 6 nga çerekfinalet e tutje). Koeficienti do të shumëzohet me 1 në rast fitoreje dhe 0.5 për barazimin, por me një algoritëm të veçantë.
