Skuadra e Flamurtarit vetëm pak ditë më parë ka bërë të ditur trajnerin e ri Ilir Daja, i cili u largua nga skuadra e Skënderbeut, për të marrë “timonin” e vlonjatëve.
Në fakt skuadra e Flamurtarit deri më tani nuk ka bërë ndonjë lëvizje të bujshme në merkato, por lojtari Fisnik Zuka mund të largohet nga skuadra e Flamurtarit, për t’u rikthyer përsëri në Maqedoni.
Ende nuk ka diçka zyrtare se ku mund të transferohet lojtari, por me shumë mundësi mund të bashkohet me skuadrën e FC Shkupit, ku u largua në merkaton e Janarit për të shkuar drejt Vlorës.
