Katër vite më parë, një motoskaf luksoz ishte vendosur në kanal pranë qendrës stërvitore të Italisë në Mangaratiba, me qëllimin për të spiunuar Italinë e Prandelit. Trajneri i asaj kohe nuk u shqetësua shumë nga spiunët, por ka nga ata që u tremben me të vërtetë sulmeve të “armiqve”. Shën Pjetërburgu është qyteti i zgjedhur nga kombëtarja angleze për të mirëpritur kombëtaren gjatë Botërorit rus.
Por nga Londra ka ardhur një kërkesë shumë e veçantë: qendra stërvitore duhet të jetë e rrethuar nga një mur 6 metra i lartë. Lajmi u dha nga Pavel Belov, këshilltar sportiv në qytetin rus. Rrethimi, që nuk parashikohet në rregulloren e FIFA-s, ka për qëllim që të fshehë stërvitjet e Sauthgejtit nga sytë e kundërshtarëve.
Por do të shërbejë edhe si një masë sigurie ndaj koreve të thjeshta të tifozëve rusë pas rritjes së tensioneve politike mes dy vende nga helmimi i ish-spiunit Sergei Skripal.
