Kylian Mbappe nuk është i madh vetëm në fushën e lojës, por edhe jashtë saj. 19-vjeçari i cili realizoi ‘dopietë’ sot kundër Argjentinës në Botëror, ka vendosur të dhurojë të gjithë fitimet e tij në “Rusi 2018” për bamirësi.
Lajmin e ka bërë të ditur “L’Equipe” e cila shkruan se fituesi i “Golden Boy” (djaloshi i artë) 2017, i cili si pjesëtar i “Preiers de Cordees”, një organizatë bamirëse që organizon aktivitete sportive për fëmijët me aftësi të kufizuara, ka vendosur të mos fusë në xhepin e tij asnjë të ardhur nga Botërori që po zhvillohet në Rusi.
Mbappe përfiton 17 mijë paund plus bonuse për çdo ndeshje që luan. Deri më tani adoleshti ka luajtur 4 sfida, ndërsa pritet ta nisë titullarë edhe të pestën që Franca do luaj në çerekfinale.
Kylian Mbappe will donate all his World Cup match fees to charity, reports @lequipe 👏 pic.twitter.com/RLRs9i6dhY
— B/R Football (@brfootball) June 30, 2018
