Një tjetër ndeshje, një tjetër zhgënjim. Argjentina e Lionel Messit pësoi një humbje poshtëruese ndaj Kroacisë duke u mposhtur me rezultatin e thellë 3-0.
Kjo humbje ia vështirëson punët kombëtares argjentinase pasi kualifikimi për më tej bëhet akoma dhe më i vështirë. Messi me shokë nuk arritën të tregonin veten në këtë sfidë ku iu duhej patjetër fitorja.
Zhgënjimi i Argjentinës u pa dhe në fytyrat e lojtarëve në fund të ndeshjes, ku lojtari kryesor i skuadrës, ylli i Barcelonës u largua nga fusha pa përshëndetur tifozët.