Lionel Messi nuk ka të njëjtat cilësi si Cristiano Ronaldo, sipas ish-lojtarit të Barcelonës, Emmanuel Petit. Messi ka luftuar për të pasur një ndikim deri tani në “Rusia 2018”, me Argjentinën në prag të një daljeje të hershme nga Botërori, pas humbjes 3-0 me Kroacinë, të premten.
Ronaldo shënoi një “hat-trick” në barazimin 3-3 të Portugalisë me Spanjën, përpara se të realizonte golin e fitores kundër Marokut. Leo Messi humbi një penallti kundër Islandës, para se të bënte një shfaqje të dobët në “Nizhny Novgorod”.
Skuadra e Jorge Sampaoli tani duhet të mundë Nigerinë, që të ketë një shans për t’u kualifikuar, edhe pse ende mund të humbasë, nëse Islanda nuk merr dot një fitore të pamundur ndaj Kroacisë. Dhe Petit, një fitues i Kupës së Botës me Francën në vitin 1998, këmbëngul se Messi duhet të mbajë përgjegjësinë e fajit.
“Ai nuk është një lider, nuk është Ronaldo në lidhje me këtë. Messi është një nga lojtarët më të mirë ndonjëherë, por duhet të tregojë mentalitetin, – tha Petit për “Paddy Power”. – Ai duhet të zgjohet! Kur gjërat shkojnë mirë me Barcelonën, ai është një lojtar i frikshëm. Ne e kemi parë atë në Ligën e Kampionëve, kur gjërat nuk shkojnë mirë, mund të zhduket në fushë. Ai nuk vrapon, po ecën, nuk është i shqetësuar për topin”.
Argjentina u kualifikua në Kupën e Botës për shkak të heroizmit të Messit kundër Ekuadorit, pasi ylli i Barcelonës shënoi një “hat-trick” për të siguruar ardhjen në Rusi. Megjithatë, madhështia e Messit në atë rast maskonte të metat serioze të vendosjes së Sampaolit, ndërsa Petit beson se rreziku i eliminimit mund të jetë thirrja për zgjimin e nevojës së Argjentinës:
“Gjuha e trupit të të gjithë ekipit ishte kaq e dobët, pa besim, pa besim mes njëri-tjetrit. Mënyra se si ata dukeshin, nuk mund ta shohim kualifikimin e Argjentinës tani. Do të ishte një turp për t’i parë ata të kualifikoheshin, sepse kundër Islandës dukeshin të tmerrshëm, pa frymëzim, pa asgjë.
Trajneri Sampaoli ka bërë shumë gabime, që nga fillimi i turneut, në përzgjedhjen e ekipit të tij, në zëvendësime, në gjithçka. Më kujtohen shumë ekipe të Argjentinës, me lojtarë të mëdhenj në të kaluarën, por kombëtarja aktuale është shumë larg atyre”.
