Kur kanë mbetur dhe shumë pak ditë nga nisja e turneut më të rëndësishëm të futbollit në botë, Kupa e Botës, mbrojtësi i kombëtares spanjolle, Cesar Azpilicueta është i bindur se kombëtarja “La Roja” është një nga pretendentët kryesorë për të ngritur lart trofeun.
Megjithatë, për mbrojtësin e Chelsea është e vështirë për të arritur tek trofeu, pasi Brazili, Gjermania dhe Argjentina e Portugalia janë aty për të fituar.
“Ne patëm shumë zhgënjim në Brazil, pasi sapo kishim fituar Kupën e Botës katër vite më parë, dy Kampionate Evropiane dhe arritëm në finalen e Konfederatave kundër Brazilit. Kemi përvojën e asaj që ndodhi dhe logjikisht nuk duam që kjo të ndodhë përsëri. Ajo që duhet të bëjmë është të mësojmë nga ajo që ndodhi sepse kemi një sfidë shumë emocionuese përpara.
“Është e vështirë të zgjedhësh një të preferuar, pasi gjithmonë flasim për kampionët në edicionin e fundit, Gjermaninë, Portugalinë që fitoi Europianin e Francës, Brazil, Argjentinë dhe Spanjë …
“Kupa e Botës është turneu që çdo lojtar i nivelit të lartë synon dhe është diçka që ju ëndërroni ta fitoni si një fëmijë. Unë kam një peng nga Brazili dhe shpresoj se Rusia është e ndryshme dhe ne do të bëjmë diçka të madhe. Ëndërroj të fitoj Kupën e Botës, është ajo për të cilën ne të gjithë po shpresojmë. Do të jetë një turne i gjatë në të cilin në një moment duhet të kemi pak fat dhe në pesë vitet që kam qenë në ekipin kombëtar, gjithmonë kam ndjerë një atmosferë entuziaste rreth veteranëve që kanë fituar tashmë. Lopetegu arriti, ai e bëri stilin e tij të qartë, ne po punojmë në koncepte në mënyrë të qartë, ai kërkon intensitet, përkushtim dhe puna reflektohet në ndeshjet që kemi zhvilluar”-përfundoi Azpilicueta.
Në “Rusi 2018”, Spanja bën pjesë në grupin B, së bashku me Portugalinë, Marokun dhe Iranin. Ndeshja e parë në tokën ruse do të jetë përballë kampionëve në fuqi të Evropës, Portugalisë më 15 qershor në “Fisht Olympic Stadium” në Sochi.
