Që nga maji i vitit të kaluar, në shtypin europian erdhën thashethemet e para: “Juventus kërkon Adrien Rabiot”. Sot, pista që çon te francezi i Paris SG, me një kontratë që përfundon në vitin 2019, është përforcuar edhe më shumë.
Juventus kërkon mesfushorin e lindur në vitin 1995 për të përforcuar përbërjen e ekipit të Max Allegri dhe në ditën e djeshme drejtori sportiv i kampionëve të Francës, Antero Henrique, ishte në Milano ku është takuar me drejtuesit e Juventus, Beppe Marotta.
Sipas asaj që mësohet nga Franca, Henrique ka pyetur Juventus edhe për Alex Sandro dhe e ardhmja e tij është diskutuar, ashtu si ajo e Rabiot. Juventus mund të bazohet te shtatë mesfushorë Pjanic, Khedira, Emre Can, Matuidi, Marchisio, Bentancur dhe Sturaro, mjaftueshëm. Gjithsesi, mendohet se dy prej tyre do të largohet prandaj po kërkohet Rabiot.