Karlos Sançez krijoi një situatë që do mbahet mend për keq. Ai u ndëshkua me karton të kuq pas 2 minutash e 56 sekondash. Kolumbiani bllokoi me dorë një top brenda zone, dhe arbitri Damir Skomina nuk kishte aspak dyshime për ngjyrën e kartonit, direkt i kuq.
Por, ky ishte kartoni i kuq i dytë më i shpejtë në historinë e botërove. Edhe Uruguai e nisi në mënyrën më të keqe të mundshme botërorin e vitit 1986, ndaj Skocisë. Ishte mbrojtësi Hoze Batista, që u nxorr me të kuq nga fusha e lojës vetëm pas 54 sekondash.
