Meksika humbi kundër Suedisë me rezultatin 0-3, në ndeshjen e fundit në grupe, por sërish ja doli të kualifikohej për në fazën e 1/8-ave. Humbja e Gjermanisë me Korenë e Jugut i dha mundësinë Meksikës të renditej në vendin e dytë ne grupin F.
Ky grup u quajt grupi i “ferrit”, ku Meksika edhe pse kishte fituar dy ndeshjet e para nuk e kishte siguruar dot kualifikimin, duke shpresuar deri në minutën e fundit. Humbja me Suedinë u duk sikur do ti komplikonte gjërat, por ndihma i erdhi pikërisht nga ekipi që nuk pritej: Korea e Jugut. Dhe siç ndodh shpesh në të tilla raste, nderi duhet shpërblyer. Për këtë gjë ka menduar kompania ajrore “Aeromexico”, që ka vendosur të festojë kualifikimin e skuadrës së futbollit, duke bërë ulje 20% për fluturimet drejt Koresë së Jugut.
Ky vendim është bërë e ditur nga vetë kompania meksikane në rrjetet sociale. Në postimin zyrtar të kësaj kompanie shkruhet: “Të duam Kore!”. Një nga arsyet e shumta pse ky sport është i preferuar nga të gjithë.
¡Te amamos Corea! Nuestros vuelos de México a Corea tienen 20% de descuento. #VolamosConTodo #GraciasCorea https://t.co/vCVAlmJ3Hl pic.twitter.com/i8WJWJV8wE
— Aeroméxico (@Aeromexico) June 27, 2018
