Kukësi i ka objektivat e qarta në këtë merkato. Drejtuesit e klubit kanë bërë disa afrime ditët e fundit dhe po bëjhnë përgatitjet për të zëvendësuar Skënderbeun në Europë. Sigurisht që pjesmarrja në mënyrë dinjitoze në një kompeticion të tillë, kërkon lojtarë cilësorë, pikërisht ëpr këtë po punojnë drejtuesit.
Edhe pse janë bërë disa afrime, në kampin verilindor janë fiksuar pas zëvendësuesit të Sindrit Gurit. Vetë drejtori sportiv i Kukësit, Nderim Nexhipi ka zbuluar se është në rrugën e duhur dhe se kanë nisur kontaktet me disa lojtarë, emrat e të cilëve ende nuk janë zbuluar.
Janë përfolur shumë emra ditët e fundit, por gjithçka do mësohet në momentin që akordi do arrihet dhe drejtuesit do vendosin përfundimisht për pasuesin e Gurit për sezonin e ri.
