Trajneri i Rusisë, Stanislav Cherchesov ka pohuar se lojtarët e tij janë të gatshëm të ndalojnë talentin egjiptian Mohamed Salah.
“Ne jemi duke studiuar Egjiptin dhe ne duhet të jemi në gjendje të shfrytëzojmë dobësitë e tyre. Unë kam një përgjigje të thjeshtë: Ne jemi të gatshëm ta ndalojmë Salahun dhe ne do ta bëjmë këtë”.-deklaroi Cherchesov.
Futbollisti i Liverpool-it qëndroi gjatë gjithë kohës në stol, gjatë humbjes që skuadra e “Faraonit” pësoi ndaj Uruguait.
Sidoqoftë, Salah pritet të fillojë kundër kombëtares ruse në stadiumin e “Shën Petersburg”, pas riaftësimit të tij nga një lëndim në shpatull. Ndeshja mes Rusisë dhe Egjiptit është programuar për tu luajtur ditën e nesërme.