Futboll La Liga Sport

LA LIGA/ 40 trajnerë në 44 vjet, nuk është stol por “karrige elektrike”!

Më shumë se një stol ai në “Bernabeu” është një karrige elektrike! Ky ka qenë pseudonimi i ti i gjetur nga shtypi spanjoll. Me largimin e Zidane nga posti i trajnerit të Real Madrid, spikat një statistikë interesante. Pasardhësi i “Zizu” do të jetë trajneri i 40-të i “Los Blancos” në 44 vitet e fundit. Një rekord për klubin që ka qenë në gjendje të vendosë një rekord të paimagjinueshëm me tre Champions League radhazi, katër në pesë vitet e fundit.

Real Madrid është një nga klubet më prestigjioz, tërheqës dhe fitues në botën e futbollit, por është edhe një nga klubet më kërkues në absolut. Pesha e fanellës “blanca” ka ndikuar në paraqitjen dhe rendimentin e shumë kampionëve dhe ka sjellë paqëndrueshmëri në stol. Në Madrid nuk falen sezone pa trofe.

Lista është e gjatë duke i nisur nga “historiku” Miguel Munoz, i shkaktuar në vitin 1974 , pas 13 vitesh, sepse nuk fitoi kampionatin. Më pas emra të tillë si Di Stefano, Boskov, Del Bosque, Hiddink, Camacho, Capello, Schuster, Pellegrini, Mourinho dhe Ancelotti.

Secili ka pasur historinë e tij, pak a shumë të gjatë dhe fituese të karakterizuar nga dashuria e vogël apo e madhe mes tifozëve. Por një fill i përbashkët i lidh të gjithë: mesatarisht një trajner i Real qëndron në stol një vit e një muaj.

Përshembull dy vite e katër muaj të Zidane kanë ngjasuar sikur janë shumë pak, mbi të gjitha nisur nga fakti që “Zizu” fitoi plot 9 trofe.

Francezi e tejkaloi, e dyfishoi mesataren, por në fund tha: “Po iki, sepse për të fituar ekipit i duhet një trajner tjetër.”

Te Real nuk ka kohë për të eksperimentuar, apo për të ndërtuar, duhet të fitosh gjithmonë…

Related posts

LUMTURON TIFOZËT “ZIKALTËR”/ Moratti: Inter tentoi për “Pleshtin”, do të provojë sërish

Delo.autor

Messi i bashkohet kombëtares në Mançester

Sadik.Autor

LIVE/ Champions: Mbyllet ndeshja Ferencvaros-Barcelona. Rezultati 0-3

Delo.autor

Leave a Comment