Athletic Bilbao është pranë arritjes së marrëveshjes për të marrë mbrojtësin e krahut, Yuri Berchiche nga Paris Saint-Germain. Ish-lojtari i Real Sociedad pritet të rikthehet në La Liga pas një sezoni, ndërsa akordi mund të mbyllet për rreth 20 milionë euro.
Berchiche sezonin e kaluar u transferua në kryeqytetin francez për 15 milionë euro, por kërkesat e UEFA-s për rregullat e Fair Play Financiar, duket se detyrojnë francezët që të heqin dorë nga shërbimet e tij. Yuri Berchiche bëri 31 paraqitje me PSG në sezonin që lamë pas, ndërsa shënoi dy gola dhe asistoi në pesë raste të tjerë.
