Nica ka zyrtarizuar tashmë zëvendësuesin e Lucien Favre, trajnerit që drejtoi skuadrën në sezonet 2016-2018 dhe që këtë verë iu bashkua Borussias së Dortmundit.
Bëhet fjalë për ish mesfushorin e njohur francez, Patrick Vieira, i cili është prezantuar zyrtarisht sot te klubi kuqezi.
Mesfushori ka një karrierë shumë të pasur si futbollist, pasi ka luajtur me klube si Interi, Milani, Juventusi, Manchester City, Arsenal, etj.
Si trajner ai ka punuar së fundi në MLS-në amerikane, ku ka drejtuar New York City-n, deri në fundjavën që lamë pas.
