Senegali dhe Kolumbia po ndeshen me njëra tjetër sa i takon fateve të grupin H në kampionatin Botërorë “Rusi 2018”. Pjesa e parë rezultoi emocionuese dhe spektakolare por nuk prodhoi gola.
Afrikanët i shkuan më pranë avantazhit me Mane, Keita dhe Niang por portieri kolumbian Ospina u tregua në lartësinë e duhur. Ndërkohë Kolumbia nuk arriti të ishte e rrezikshme madje në minutën e 30’ mori edhe një lajm të keq pasi mesfushori James Rodriguez u largua nga fusha i dëmtuar.
Me këtë rezultat skuadra që kalon në fazën me eleminim direkt është Senegali pasi ekipi i drejtuar nga Cisse ka grumbulluar 5 pikë, ndërsa amerikano jugorët mbeten jasht me vetëm 4 pikë.
