David De Gea prej disa kohësh diskutohet se do largohet nga Manchester United. Portieri spanjoll kërkohet me ngulm nga Real Madrid dhe duket se gjithçka mund të konkretizohet gjatë kësaj vere. Por nëse një portier shkon në Madrid një tjetër do vijë nga kryeqyteti spanjoll për të zëvendësuar portierin aktual të ‘djajve të kuq’.
Diario Gol shkruan se Jan Oblak është objektivi kryesor i anglezëve. Slloveni ka kaluar një super sezon në rradhët e Atletico Madrid dhe duket se është gati për një lëvizje të madhe në karrierën e tij. Për të gjithsesi ‘los colchoneros’ nuk do konsiderojnë asnjë ofertë nën 100 milionë euro.
