Duket se Neymar Jr po shndërrohet në një ‘fiksim’ për ekipin e Real Madrid. Sipas The Sun madrilenët po përgatisin një superofertë që kap shifrën e 350 milionë eurove për të shkëputur brazilianin nga PSG. Sulmuesi kërkohet me ngulm nga kampionët e Europes pasi edhe Cristiano Ronaldo duket se është shumë pranë largimit nga ‘Santiago Bernabeu’.
25-vjeçari ka një klauzolë në kontratë që e lejon atë të largohet për 300 milionë euro pas datës 1 shtator, por në ato momente do jetë e përfunduar merkato. Për këtë arsye ‘galacticos’ do përpiqen me çdo lloj mënyre që të bindin parizienët dhe Neymar që të transferohet në Madrid gjatë verës.