Nuk është e lehtë për asnjë italian, i pasionuar për futbollin, për ta parë Kupën e Botës pa ekipin e tyre kombëtar si protagonist dhe madje favorit. Por, me siguri, do të jetë një “goditje në stomak”, sidomos për Roberto Mancinin, që u bë komisioneri teknik i Italisë në këtë periudhë, periudha nga 14 qershori deri më 15 korrik.
Ndërsa pjesa tjetër e botës është duke luajtur turneun më prestigjioz të futbollit në Rusi, axurrët kanë nisur pushimet dhe po e përcjellin zemërthyer gjithçka nga ekrani i televizorit. Sot, Roberto Mancini ishte në Matera, me rastin e inaugurimit të ekspozitës së FIGC, në 120-vjetorin e saj.
Natyrisht, gjithashtu, ai pati mundësinë të fliste për futbollin, veçanërisht për Kupën e Botës: “E pranoj se është një dhimbje për ta parë këtë turne në TV, siç mendoj se është për të gjithë italianët”. Por, pastaj, komisioneri teknik vazhdoi me besim: “Edhe nëse është një dhimbje, pas ndeshjeve të para me Italinë, jam i sigurt se ekipi ynë mund të rivalizonte në Botërorin e Rusisë për cilësi dhe histori, edhe nëse nuk është një moment kaq i shkëlqyer”.
Fjalë të ëmbla të trajnerit edhe për një nga shtyllat e sigurta të projektit të ri të kombëtares italiane, Federico Chiesa: “Ai është një talent i pastër, do të bëjë një karrierë të madhe në kombëtaren e Italisë”.
Përfundimisht, Mancini dha edhe një parashikim për Kupën e Botës, që po zhvillohet në Rusi, prej 14 qershorit: “Unë mendoj se Brazili do të fitojë në fund. Surpriza mund të jetë Belgjika dhe Anglia, edhe nëse është e pamundur dhe e gabuar të bëhet një gjykim pas ndeshjeve të para”.
