Emre Can ka rënë dakord të bashkohet me Juventusin për një kontratë katërvjeçare, në pritje të testeve mjekësore, njofton “Goal”. Kontrata e re e Can me kampionët e Seria A parashikon që ai të marrë 5 milionë euro çdo sezon. Ajo do të fillojë kur marrëveshja e tij aktuale me Liverpool të skadojë në fund të qershorit.
Mesfushori do t’i nënshtrohet vizitave mjekësore gjatë javës në Torino. Gjermani ka qenë prej kohësh i lidhur me një lëvizje te bardhezinjtë, pasi kontrata e tij aktuale me Liverpool nuk u rinovua. Ndërkohë që klubet e tjera raportohen të kenë interes për të, gjigandët italianë kanë besuar se ata përfundimisht do të nënshkruajnë një marrëveshje, me drejtorin e klubit, Beppe Marotta, duke pretenduar se e kishte siguruar mesfushorin në fjalë që në maj.
Duke u bashkuar me Liverpool nga Bayer Leverkusen në verën e vitit 2014, Can mundi të vazhdojë të shfaqet në “Anfield” për katër sezone. Ai do të luante kryesisht në qendër të fushës dhe do të mbante role në mesfushë. Ai mundi të shënojë 14 gola në karrierën e tij të “Reds”, tre nga të cilët erdhën në Ligën e Kampionëve të edicionit që sapo u mbyll.
