Karlo Ançeloti vetëm para pak ditësh u zyrtarizua si trajneri më i ri i Evertonit, me të cilët shpreson se do të arrijë suksese të mëdha.
Pikërisht Evertoni i drejtuar nga tekniku italian do të përballet në derbi me Liverpulin, në ndeshjen e vlefshme për Kupë.
Në prag të kësaj sfide ka folur edhe Ançeloti, i cili ka zbuluar edhe një prapaskenë, ku thotë se mund të kishte marrë drejtimin e Liverpulit në të kaluarën. “ Pas largimit nga Real Madridi, unë kisha kontakte me drejtuesit e Liverpulit.
Ata ishin në kërkim të një trajneri të ri asokohe, dhe për këtë arsye më kontaktuan mua. Megjithatë besoj se kanë bërë zgjedhjen e duhur duke ia besuar drejtimin e ekipit, Jyrgen Klopit. Ai po bën një punë të shkëlqyer aty dha ka krijuar një skuadër fantastike.”, u shpreh Ançeloti.
