Sulmuesi i Bayern Munich Thomas Muller ka një karrierë të tërë që luan te rekordmenët gjermanë por tani ka sugjeruar se mund të tundohet nga një sfidë tërheqëse.
28-vjeçari ka një kontratë deri më 2021, por shpeshherë është përfolur për një largim nga Bavaria, me United që ka qenë ekipi më i interesuar për të.
Muller, i cili pritet të jetë pjesë e 23 lojtarëve që do të përfaqësojnë Gjermaninë në Kupën e Botës, është shprehur se mund të tundohet nga një sfidë e re.
“Një sfidë e re me siguri që do të ishte interesante dhe tërheqëse,” shprehet ai për Welt Am Sonntag.
“Nëse situata është ndryshe, shumë gjëra mund të ndodhin.
“Është shumë e vështirë të largohesh nga Bayern. Aktualisht nuk kam ndërmend të shkojë diku tjetër.”
