Mbrojtësi i Kombëtares Ivan Balliu është duke kërkuar një klub të ri. Ka qenë rënia e Metz nga kategoria e parë franceze shkaku që futbollisti shqiptar kërkon të largohet nga ekipi. Destinacioni më i mundshëm i mbrojtësit të përfaqësueses shqiptare është Turqia.
Një interes të veçantë për mbrojtësin ka shprehur ekipi i Goztepe që luan në elitën e futbollit turk. Futbollisti 26 vjeçar ka ende një vit kontratë me ekipin e Metz, dhe për të siguruar kartonin e Balliut do të duhet të paguhet një klauzole e caktuar nga skuadra franceze.
