Një nga objektivat që Barcelona ka vendosur për këtë merkato është Lautaro. Sidoqoftë, nënshkrimi i sulmuesit argjentinas po ndërlikohet. Për momentin, ai që ka më shumë mundësi për ta veshur fanellën e Barçës është Menphis Depay, me të cilin tashmë ka biseda shumë të avancuara.
Futbollisti hollandez nuk po fshihet, madje bëri disa deklarata konfirmuese pas ndeshjes së Hollandës me Italinë: “Duhet të presim të shohim se çfarë do të ndodhë. Unë e di që ka interes nga Barcelona, por në këtë moment nuk mund të them asgjë tjetër. Në ditët e ardhshme do të flas me Lyon, pastaj të shohim. Edhe unë nuk kam folur shumë me agjentin tim”.
