Të shtunën Matteo Politano i ka thënë po Silvia Di Vincenzos duke lidhur kurorë me të fejuarën e tij prej më shumë se 7 vitesh. Doktoresha bukuroshe mund ta bëjë gjumin e qetë sepse sulmuesi i Sassuolos nuk ka sy për një tjetër femër, megjithatë ajo me Silvian nuk do të jetë e vetmja martesë për 24-vjeçarin gjatë kësaj vere pasi Politano është një nga futbollistët më të kërkuar në merkaton e Serisë A dhe do të ndërrojë skuadër. Në pole-position për të marrë shërbimet e tij është Interi dhe tashmë si një çift i ri Matteo dhe Silvia mund të kërkojnë shtëpinë e tyre të re në Milano.
