Interi thuhet se kanë bërë një ofertë për të nënshkruar me sulmuesin e krahut Malcom, që ka bërë një sezon mjaft të mirë në Ligue 1 te Bordeaux. 21-vjeçari është një nga emrat më të nxehtë në futbollin evropian dhe ka tërhequr interes nga Arsenal dhe Tottenham. Edhe Bayern Munchen është parë si një opsion, por bavarezët kanë mohuar interesimin. Ai u shfaq në 35 ndeshje në Ligue 1 sezonin e kaluar, duke shënuar 12 gola dhe duke ndihmuar me shtatë asiste. “Gazzetta dello Sport” raporton se Inter ka bërë një lëvizje huazimi për të nënshkruar fillimisht me Malcom dhe më pas të bëjnë një lëvizje të përhershme verën e ardhshme. Zikaltrit ofrojnë një tarifë fillestare prej 7 milionë eurosh te Bordeaux dhe do të paguajnë 30 milionë euro, pasi ata të nënshkruajnë me lojtarin në një bazë të përhershme verën e ardhshme. Thuhet se bisedimet janë në vazhdim dhe agjenti i Malcom, Federico Pastorello po punon për një marrëveshje për të dërguar brazilianin te Inter.
Përveç brazilianit, Interi është shumë afër nënshkrimit edhe me mesfushorin Radja Nainggolan, i cili pritet t’i nënshtrohet nesër në mëngjes testeve mjekësore, ndërsa Davide Santon dhe Nicolò Zaniolo do të shkojnë në Romë. Mesfushori belg është ende me pushime, por pritet të fluturojë në Milano këtë mbrëmje. Ai do të qëndrojë në hotel gjatë natës dhe pastaj do të kryejë testet e tij mjekësore të hënën në mëngjes, sipas “Sky Sport Italia”. Transferimi do të kompletohet për 24 milionë euro të gatshme plus pronësinë e mbrojtësit Santon dhe mesfushorit kreativ Zaniolo. Megjithatë, zikaltrit pritet të mbajnë një klauzolë blerjeje ose një përqindje të tarifës së transferimit të ardhshëm për talentet e ekipit të të rinjve Zaniolo. Nainggolan ishte një kërkesë e trajnerit Luciano Spalletti dhe pavarësisht interesit nga Premier League, mesfushori vendosi të transferohej te Interi për të qëndruar në Itali.
