Partizani po mendon për riformatimin e skuadrës për sezonin tjetër dhe duket se do i fillojë prej disa futbollistëve që e kuptojnë mirë rëndësinë e fanelës së kuqe dhe kanë qenë pjesë e ekipit në të shkuarën. I tillë është edhe Ardian Cuculi. Mbrojtësi është aktivizuar për një sezon në 2014-15 me 15 herë kampionët e Shqipërisë duke lënë një shije shumë pozitive tek të gjithë.
Për këtë arsye, drejtuesit po mendojnë rikthimin e tij në këtë merkato të verës. 30-vjeçari nuk ka rinovuar me Shkëndijën me të cilët u shpall kampion para pak javëve në Maqedoni. Rikthimi mund të jetë i mundur dhe vetë mbrojtësi ka konfirmuar interesimin e të kuqve. Cuculi përveç krahut të majtë të mbrojtjes që është edhe roli i tij natyral mund të luajë edhe si qendër mbrojtës.