Skuadra e Partizanit nuk ka bërë një sezon aspak të mirë këtë vit në kampionat. Të kuqtë kanë arritur të ndërrojnë edhe trajnerin, duke sjellë në krye të ekipit Klevis Dalipin. Tekniku e ka nisur shumë mirë aventurën e tij, por vetëm pas disa ndeshjesh, duke filluar që nga transferta e Kukësit ku u mund me rezultatin e thellë 4-0. Në fund të sezonit “demat” u renditën në vendin e 5-të.
Në pritje të një vendimi nga CAS për skuadrën e Skënderbeut, “demat” kanë mundësimë të luajnë në Europë nëse korçarët dënohen.
Megjithatë ende nuk ka asnjë lëvizje për 15 herë kampionët e vendit përsa i përket merkatos, as ndonjë përforcim i mundshëm. Një tjetër çështje është edhe e ardhmja e trajnerit Klevis Dalipi, i cili ende nuk e ka të qartë nëse do të vazhdojë në krye të Partizanit apo jo.
