Skuadra e Partizanit ende nuk ka asnjë afrim në këtë merkato. Pasi kanë zhvilluar një sezon aspak të mirë, duke e mbyllur kampionatin në vendin e 5-të, të kuqtë nuk kanë filluar ende nga puna për sezonin e ardhshëm.
Drejtuesit e klubit kërkojnë t’ia japin një shans Klevis Dalipi, pasi tekniku shpesh është shprehur se ka nevojë për ta nisur sezonin që nga fillimi për të përshtatur idetë e tij.
Mirpo një tjetër emër i përfolur për të marrë “timonin” e 15 herë kampionëve të vendit është edhe ish-trajneri i skuadrës së Luftëtari dhe Kukësit Mladen Milinkoviç.
50 vjeçari ishte objektiv i “demave” për sezonin e shkuar, por tekniku Starova para një viti deklaroi se nuk e pëlqente teknikun serb.
